ეგოისტური ბლოგი

ფრანები

Posted in ყველაფერზე და არაფერზე by noemberi on მაისი 8, 2013

ადამიანები სასტიკები ვართ ერთმანეთის მიმართ. მინდოდა დამეწერა “ზოგჯერ”, მაგრამ არა, ყოველთვის ასეა. საკუთარ მიზნებს და ოცნებებს მივსდევთ, როგორც ფრანებს. გავრბივართ თავაწეულები, ხელებგაწვდილები ვეპოტინებით. ამ დროს მთავარია ფრანს თვალი არ მოაცილო და სწორად მართო, თუ ხელს გიშლის ვინმე — მუჯლუგუნით მოიგერიო, წაქცეულს — გვერდი აუარო ან მარჯვედ გადაახტე. და ამ რბოლაში ისე ვთელავთ ერთმანეთს, სახეშიც კი არ ვუყურებთ, თვალებშიც კი ვერ ვასწრებთ ჩახედვას. გეშინია, რომ მოიხედო ფრანი გაგიფრინდება. ამ სევდიანი მარათონის ბოლოს კი აღარავინ გრჩება, რომ გამარჯვება მოგილოცოს.

პატარა ადამიანები

Posted in ყველაფერზე და არაფერზე by noemberi on მაისი 1, 2009

pataraპატარა ადამიანები პატარა სახლებში ცხოვრობენ, თავისი პატარა ცხოვრებით.

ყოველ დილით პატარა სამზარეულოებში ცხელ ყავას მიირთმევენ პატარა ფინჯნებით, თან პატარა ტელევიზორს უყურებენ ცალი თვალით.

მერე თავის პატარა მანქანებში ჯდებიან და სამსახურებში მიიჩქარიან, რომ პატარა საქმეები აკეთონ.

პატარა დღეც მალე მთავრდება და ისევ პატარა სახლებში მოიჩქარიან, რომ თავიანთი გადაღლილი პატარა ტვინები პატარა ლოგინებში პატარა ბალიშებზე დაასვენონ.

მეორე დღეს კი ისევ პატარა დღე იწყება, პატარა ცხოვრება გრძლდება და ასე გადის დიდი დრო.

ადამიანებზედ

Posted in ყველაფერზე და არაფერზე by noemberi on მარტი 11, 2009

ბოლო დროს გარკვეული პროფესიის ადამიანებთან მიწევს ყოველდღიური კონტაქტი. ისინი პირდაპირ თუ ირიბად დაკავშირებული არიან ადამიანის სიცოცხლესთან. მოკლედ, ისინი ქირურგები არიან.

ჩემი დაკვირვების ობიექტია ორივე მხარე. ანუ ექიმი და პაციენტი. მე თვითონაც გავოცდი, იმდენი რამე აღმოვაჩინე და გამიკვირდა. (more…)

რატომ

Posted in ყველაფერზე და არაფერზე by noemberi on დეკემბერი 17, 2008

1. რატომ სჭირდება ადამიანს სილის გალაწუნება, იმისთვის რომ დაინახოს და დააფასოს რაც აქვს?

2. რატომ ცდილობენ ადამიანები საკუთარ წარუმატებლობაში ყველაზე ბოლოს საკუთარი თავის დადანაშაულებას (თუკი ასეთი რამე ხდება საერთოდ)?

3. რატომ ხდება, რომ როცა ადამაინს აგრძნობინებ რომ მისი გესმის და ცდილობ და ეხმარები ყველანაირად, არ სარგებლობ საკუთარი უპირატესობით, მერე ვალდებულად გთვლის ეს გააკეთო?

4. რატომ არ ესმით ადამიანებს, რომ გაქვს უფლება იყო ცუდ ხასიათზე და ამის გამო თქვა უარი მათთან ერთად გართობაზე?

5. რატომ გადადიან უცნობი ადამიანები საუბრის დაწყებიდან ზუსტად 2 წუთში “შენობით” მიმართვაზე?

6. რატომ ხდება ხოლმე აუცილებელი ადამიანს დაანახო შენი უარესი მხარე, იმისათვის რომ იცოდეს — “სპასობნი” ხარ ?

(რამოდენიმე “რატომ” ჩემი ცხოვრებიდან)

გაგრძელება იქნება. ალბათ….